Karwa Chauth par Patiyo ke liye Salaah

Karwachauth par patiyo ke liye khaas hidayatein!

1.

Jab patni ka Upwaas ho, use vishwas dilaein, ki aap uske sath hain.

Aur aap bhi bhookhe rehne ka naatak karein, chahiye bhale hi hotel mein nashta kar aaein!.

2.

Ghar mein kuchh khaein peeye na, taaki patni ko bhi iss baat ka poora yakeen ho

ki waqai aap uske saath hain..

3.

Iss din shaving na banaein, taaki aapke chehre par upwaas ki feeling jhalke,

aur heavy nashte ki dakaar par control karein, nahin to pol khul jayegi!

4.

Jab patni bhookhi ho to aap hanse na,

Hansi aa rahi ho to kisi gupt sthaan par jaakar hans aayein

aur patni ke saamne gambheer ho jaayein!

5.

Sambhav ho to iss din office se chhutti lekar patni ke saath ghar par kirtan karein!

6.

Mobile mein jyada ungli na karein

WhatsApp aur facebook ka bhi iss din tyaag kar dein…

7.

Ghar mein falahaari pakwaan laakar rakhein,

taaki biwi ko ehsaas hota rahe ki aapko uske vrat kholne ki chinta hai!

8.

Aawaz par sayyam rakhein, bachcho se dheeme aur karaahte hue bolein,

taaki bhookhi patni ko lage ki aap waqai bhookhe hain.

Iss din chatakh rango ke kapde na pehne, aur saada pehnawa rakhein.

9.

Saawdhaan, iss din patni aapse zidd karegi ki aap bhookhe na rahein

Kuchh kha lein, lekin aap uske jhanse mein mat aana,

darasal wo aapka imtehaan le rahi hoti hain.

10.

Iss din TV par koi comedy show bhi na dekhein, use dekhkar aap hanse to phir samjho fanse!

Bas patni ke karwa chauth ki iss upwaas ke din,

inn tips ko apna daala

to life hogi jhingalala!

 

Leave a Reply